ليه وازاي تقول رأيك في منتج/شركة

blog post

مهمتنا في قارنلي بكل بساطة هي اننا نعرفك تجارب المستهلكين والعملاء مع الشركات والمنتجات والخدمات. ازاي هنعمل كدة؟ بإستخدام طريقة سهلة في تجميع الآراء والنقد ووجهات نظر كل واحد بيجرب خدمة ما أو بيمر بمشكلة في مطعم أو بيستخدم منتج معين.
اللي عايزين نوصله اننا نساعدك تلاقي وجهات نظر مختلفة عن الشركات عن طريق تقييمات حقيقية قدمها عملاء الشركات ديه عشان تساعدك في مرحلة الاختيار بين شركة والتانية. من خلال قارنلي، مش هتحتاج ترجع لممثلي خدمة العملاء كل ما تقابلك مشكلة لإنك ممكن توصلهم على طول من موقعنا وفي نفس الوقت تعرّف كل الناس بتجربتك.
هدفنا نخلي تجربة خدمة العملاء أسهل على الشركات وعلى العملاء في نفس الوقت من خلال بوابة إلكترونية سهلة الاستخدام مش محتاج فيها تستنى على التليفون بالساعات. كل اللي عليك تعمله انك تكتب تجربتك الايجابية أو السلبية وإحنا علينا ننشرها ونوصلها للشركة وكمان نتابع تجربتك.
قارنلي هيسهل عليك تعرّف ايه أحسن الشركات اللي بتهتم بعملائها عشان تعرف تختار كويس قبل ما تتعامل معاهم أو تشتري منهم. كل شركة عندنا ليها تقييم مبني على تقييمات العملاء السابقين وده هيساعدك تعرف أكثر عن نوعية الشركات اللي هتتعامل معاها في المستقبل.

ازاي تقول رأيك أو شكوتك؟

كل اللي هتعمله انك هتختار الشركة اللي عايز تسيب تقييمك ليها أو تشتكيها من قائمة الشركات اللي عندنا او تضيف اى شركة بمجرد كتابة اسمها مع الشكوى هنا، وبعدها تسيب شكوتك على الشمال أو تحط تقييمك على اليمين أو حتى الإتنين! بعدها فريق عمل قارنلي هيوصل شكوتك ويقولك خطوة بخطوة الشكوى وصلت لفين وايه رد الشركة ونتابع معاك لغاية ما نوصل لحل يرضي الطرفين.
أما من ناحية التقييم، فبمجرد ما بتدخله بنقوم بنشره وبيتم إحتسابه مع باقي التقييمات على الشركة ونتيجة التقييم بتؤثر في نقاط ومستوى الشركة على موقعنا.
الشكوى أو التقييم تقدر تشاركهم مع صحابك ودائرة معارف على الفيسبوك أو تويتر.