كيف نعمل؟

blog post

قارنلي هي بوابة إلكترونية لمساعدة العملاء على توصيل صوتهم للشركات وفي نفس الوقت، مساعدة الشركات يوصلوا اسهل للعملاء ويعرفوا رأي عملائهم فيهم وفي خدمتهم. هدفنا ببساطة هو اننا نقلل الفجوة ما بين العميل والشركة وفي نفس الوقت نساعدك كمستهلك تعرف تختار أكثر شركة شايفها مناسبة من خلال تقييمات العملاء السابقين.

ازاي هستفيد من قارنلي؟

تقدر تستفيد من خدمتنا بطريقتين. ,أول طريقة هي الشكاوي. من خلال موقعنا هتقدر تكتب شكوتك ضد الشركات الموجودة عندنا واحنا هنضمنلك توصيل الشكوى ديه للشركة ومتابعة الشكوى لغاية ما نوصل لحل يرضي الطرفين. العملية في قارنلي بتبدأها انت من خلال شكوتك وبعدها بنمسك احنا الموضوع وبناخد شكوتك نبعتها للشركة وناخد منهم الحلول اللي بيقدموها ليك نعرضها عليك.
الشكاوي بتشمل كل انواع المشاكل اللي ممكن تقابلك، سواء شكوى ضد شركة لشبكات الموبيل أو شكوى ضد شركات الانترنت أو شكوى عن تجربة مش لطيفة حصلتلك وأنت في مطعم، كل الشكاوي نقدر نوصلها ونطلع منها بحلول.
الطريقة التانية هي انك تسيب تقييمك على شركة. من خلال اختيارك لمجموعة من جوانب ومعايير جودة الشركة زي جودة الخدمة، كفاءة خدمة العملاء، السرعة، السعر الخ الخ، هتساعد بشكل تلقائي على تحديد التقييم العام للشركة على موقعنا وبالتالي هتساعد أي عميل بيفكر يجرب الشركة ديه يبدأ يتعامل معاها ولا لأ بناءً على تجارب سابقة لعملاء زيك.

ليه مهم اني استخدم قارنلي؟

قارنلي هيساعدك توصل صوتك بسهولة وللشركة مباشرة، غير ان اهتمام كل شركة انها تحافظ على تقييمها وتحسنه هيدعم تقائياً خدمة العملاء ويطور مستواها. بإستخدامك لقارنلي، انت مش بس بتوصل شكوى ليك ولا بتحط تقييم لشركة، دورك الأساس هو انك تكون دليل ومرجع لعملاء مستقبلين لأي شركة. من خلال نشر تجاربك في محل أو مطعم أو أي مكان بيقدم خدمة مثلاً، أنت هتساعد أشخاص هيجربوا المكان ده لأول مرة ومش عارفين اذا كان الخدمة اللي هايخدوها كويسة ولا وحشة. ابدأ بأول تقييم أو شكوى ليك من هنا.